நாளை நமதே

சமீபத்தில் டி வி யில் நாளை நமதே மறுபடியும் பார்க்கும் வாய்ப்பு கிடைத்தது. கொஞ்சம் 30 வருடம் பின்னோக்கி செல்லவும்...வலையம் வலையமாய் கற்பனை செய்துகொள்ளவும். இதே படத்தை முத்துப்பேட்டை கீத்துகொட்டகையில் பார்த்தது.கந்தூரி நேரம் 2nd show. முன்பு ஆசை ஆசையாய் பார்த்த சீன் எல்லாம் இப்போது பார்க்கும் போது சிரிப்பாக இருக்கிறது. எம்ஜியார் தம்பியாக வரும் தெலுங்கு நடிகர் ஏதோ மரப்புக்கு துணி தைத்ததுபோல் ஒரு வித்தியாசமான கலரில் கோட்டு போட்டு கிட்டாரை கையில் வைத்து கொண்டு பாட்டுபாடி அண்ணனை தேடுவது "என்ன கொடுமை சார் இது!".

பேப்பர், டி வி எல்லாம் இருக்கும் காலத்தில்தான் படம் எடுத்து இருக்கிறார்கள்.முத்துபேட்டையில் படம் பார்க்கும்போது நம்பியார் தனது ஷூ வில் 8 / 9 நம்பரை காண்பிக்கும்போது, எம்ஜியாருக்கு லேசாக தலை சுற்றும்...எனக்கும் சுற்றியது...டிக்கட் எடுக்க சாப்பிடாமல் நின்றால் தலை சுற்றாதா?. Blood Glucose / Calorie இதெல்லாம் படிக்காத நேரம்.

இது வரை புரியாத புதிர்

எப்படி இது போன்ற லாஜிக் உதைத்த படங்கள் தொடர்ந்து ஓடியது?..

.எப்படி இதுபோன்ற ரயிலில் தொலைந்து போகும் பிள்ளைகளுக்கு சிம்பிலாக பெயர் வைக்கிறார்கள் [ உ-ம்: விஜய் / ராமு / ராஜா / விஜி ] ஏன் விஜய மார்த்தான்டன் / முத்து ராமலிங்கம் ..அட்லீஸ்ட்..கார்த்திகேயன் என்று வைப்பதில்லை?.எம்ஜியார் ஏன் பணக்காரர்களிடம் கொள்ளையிடுகிறார் என்று இன்றைக்குவரை தெரியவில்லை.அந்த பணத்தை ஏழைகளுக்கு கொடுப்பது [ நாகேஷ் மூலம்] அப்போதைக்கு பெரிதாக தெரியவில்லை...இப்பொது யாரும் அப்படி செய்தால் ஜெயிலில் களி நிச்ச்யம்.

க்ளைமாக்ஸில் ரயில் எஞ்சினை வைத்து வில்லனை கொல்வது எம்ஜியாரை "ரொம்ப நல்லவே....ண் ' எனும் உத்தி. இவ்வளவு திறமை உள்ள நம்பியார் எப்படி ரயில்தண்டவாள் இடுக்கில் காலை விடுகிரார், லைன் மேன் கூட தன்டவாளத்தை மாற்றி விட்டு அங்கு நிற்கவில்லை என்பதால் லைன்மேன் அப்பா/அம்மாவையும் நம்பியார் & அசோசியெட் கொலை செய்துவிட்டது என்று இப்போதைக்கு ஒரு ரீ-மேக் எடுக்கலாம். லைன் மேன் மகனாக சிம்பு போன்ற நடிகர்கள் இனி வில்லனையும் நம்மையும் பழி வாங்கலாம்.

ZAKIR HUSSAIN

LABEL:- நாளை நமதே